ACTIVISTAS polo Mundo Que Queremos utiliza diversos mecanismos para potenciar unha cidadanía cun sentido global, persoas que se recoñecen como pertencentes a unha comunidade mundial de iguais, preocupados polos temas colectivos e que reclaman o seu protagonismo no desenvolvemento dos procesos sociais e políticos, tanto de aquí como de alá.ISO
Nos nosos obradoiros educomunicativos os mozos e mozas participantes elaborarán as súas propias mensaxes para incidir na súa realidade, pasando de ser consumidores pasivos dos medios de comunicación a produtores dos seus propios discursos, tomando de este xeito unha actitude mais crítica ante os contidos que nos chegan dende a prensa, a radio, a tv, a publicidade ou as redes sociais.
Impulsamos ao alumnado a tomar parte activa como cidadáns e cidadás en contextos relevantes de poder. Participar é implicarse no que estás a facer; propor e actuar. É unha responsabilidade individual e voluntaria, e ao compartirse chamámola co-responsabilidade. Nesta co-responsabilidade colectiva é onde descansa a participación do noso proxecto
perseguen que o alumnado participante coñeza e use as técnicas comunicativas para investigar, reflexionar e expresarse. O obxectivo das sesións é que tódolos alumnos e alumnas poñan en marcha un pequeno espazo radiofónico ou usen a contrapublicidade para a través da súa creatividade, mudar unha realidade que non lles gusta.